小城市La Spezia同保方都好有淵源，甚至可以話影響左佢一生。
保方6歲嘅時候就入左一間位於La Spezia一個小區嘅Canaletto足球學校踢波，佢爸爸就係果度做教練。果陣時一星期訓練兩次，放學就搭三四十分鐘車去La Spezia踢波，初接觸足球果三年時間保方都係踢防中位置。
「一開始我無論對球隊或者對呢項運動都冇咩熱情可言，不過我鐘意攞住一個裝住波boot同波衫嘅運動袋嘅感覺。我人生中第一場比賽係對另一隊同區既足球學校校隊，果場我就入左球自由球。處子戰就有波入，唔錯！」
或者冥冥中有命運嘅安排，有一次比賽球隊爭個龍門，而身材最高大嘅保方就被安排左去打龍，佢自己憶述返第一場打龍既表現係幾唔錯添。之後果年，78年出世嘅佢又再次被76年隊既教練搵左去出戰一場決賽賽事嘅龍門位置。雖然之後幾年佢都係踢中場，但呢幾年打龍嘅經歷就為佢之後轉位埋下左伏線。
你地又搵唔搵到相入面邊一個係保方呢？
