雖然藝術細胞有限，但每次設計一件波衫都視為創作一件藝術品咁，希望自己隊友著上身舒服同埋有自豪感
今次波衫同以往一樣，將「祖雲達斯」同「本地」元素結合埋一齊。配色用傳統嘅粉紅色加斑馬紋做主調，中間黑色部分用由香港招牌常用嘅北魏書法所啟發創作嘅字體-北魏真書 ，透過數位字體將有關祖雲達斯同香港既關鍵字排列出黎。背面則保留「堅持到底」 ，同時用咗一款較輕鬆同有動感嘅英文字體表現祖樂團「For Fun, For Happy」嘅特色。
好開心今次同本地波衫品牌 Zyphr 合作，做我地嘅生產商係好惡搞嘅事，因為數量唔多但多多要求
。但係好多謝佢哋好黐線咁協助我地去雕琢哩件波衫，嚟緊希望可以繼續得到你哋幫忙
